თბილისი (GBC) -  საქართველო-სომხეთის საზღვარზე  ბაგრატაშენის ხიდი განახლებისთვის ტენდერი გამოცხადდა.  

პროექტი ორი ქვეყნის თანამშრომლობით ხორციელდება, დაფინანსებას ევროპის რეკონსტრუქციისა და განვითარების ბანკი გამოყოფს. კერძოდ,  ორივე სახელმწიფო ევრობანკის კრედიტიდან მიმართავს ხიდის მშენებლობაზე თანხებს. 

პროექტი გულისხმობს სადახლო - ბაგრატაშენის სასაზღვრო გადაკვეთის პუნქტთან მდინარე დებედზე ახალი ხიდის პროექტირება და მშენებლობას.

მოსალოდნელია, რომ კონტრაქტი  დაიწყება  ამ წლის 28 დეკემბერს  და გაგრძელდება 42 თვე, მათ შორის 18 თვე პროექტირება და მშენებლობისთვის და 24 თვე დეფექტების შეტყობინების პერიოდისთვის.

კონტრაქტორი კომპანიის შესარჩევად 2 ეტაპიანი ტენდერია  გამოცხადებული.  

დეტალები იხილეთ: http://georoad.ge/?lang=geo&act=tenders&func=menu&uid=1470060380

აღსანიშნავია, რომ  "მეგობრობის ხიდის" აშენების შესახებ გადაწყვეტილება ჯერ კიდევ 2014 წელს იქნა მიღებული, თუმცა მშენებლობა ამ დრომდე არ დაწყებულა.