თბილისი (GBC) - ტექნიკური მიზეზების გამო, თბილისი-ფოთი-თბილისის მარშრუტზე მოძრავი #874/873 ჩქარი ელექტრომატარებელი ერთჯერადად ჩანაცვლდება ეს-სერიის მოდერნიზებული ელექტრომატარებლით და რეისს შეასრულებს 876/875 ნომრით.

საქართველოს რკინიგზის ცნობით, თბილისიდან გასვლა 20 აგვისტოს 17:50 წთ, ქ.ფოთში ჩასვლა 00:02. წთ. 21 აგვისტოს, ქ.ფოთიდან გამოსვლა 08:15 წთ. თბილისში ჩამოსვლა 14:05.წთ.

მგზავრებს, რომლებსაც უკვე აქვთ შეძენილი ბილეთები აღნიშნულ მატარებელზე დაუბრუნდებათ განსხვავება.

მათი სურვილის შემთხვევაში ბილეთები გადაიცვლება მომდევნო დღის რეისზე ან სრულად აუნაზღაურდებათ ბილეთის საფასური.

ჩანაცვლებულ მატარებელზე 19 აგვისტოდან 21 აგვისტომდე ბილეთები გაიყიდება ახალი ტარიფით (10 ლარი).