თბილისი (GBC) – „საქკაბელი“ 30 სექტემბერს განახლებულ საწარმოს გახსნის.

კომპანიის სამეთვალყურეო საბჭოს თავმჯდომარის, ედიშერ მამალაძის განცხადებით ინვესტიცია პროექტ „აწარმოე საქართველოში" ფარგლებში განხორციელდა. 

საწარმოს მოდერნიზებისთვის  $1 მილიონის ინვესტიცია ჩადეს. შედეგად მათი წარმადობა 40-50%-ით გაიზარდა.

მისივე განცხადებით, დამზადებული პროდუქცია ევროპული სტანდარტის შესაბამისი იქნება და ამ ბაზრისთვის არის განკუთვნილი.

ამ ეტაპზე მამალაძის ინფორმაციით, მოლაპარაკება მიმდინარეობს საფრანგეთთან და სწორედ ამ ქვეყნაში დაიწყება ექსპორტი. წარმოებული პროდუქციის ნაწილი დარჩება ადგილობრივ ბაზარზე, ხოლო სამომავლოდ შესაძლოა, საექსპორტო ბაზრებს რუსეთიც დაემატოს.

ამ ეტაპზე საქკაბელს ადგილობრივ ბაზარზე 15%-იანი წილი აქვს.