თბილისი (GBC) –  ფრანგული Societe Generale-დან რამაზ კუკულაძემ BGEO-ში  (ბრიტანეთში რეგისტრირებული)  გადაინაცვლა,  ბრუნდება „საქართველოს ბანკში“, სადაც  2008 წლის  ნოემბრამდე იყო, იმ დროის უკვე  ბანკის CEO ლადო გურგენიძე  ქვეყნის პრემიერია.

ამასთან  მან "საქართველოს ბანკის" მფლობელობაში არსებული სადაზღვევო კომპანიის "ალდაგი ბისიაი" სამეთვალყურეო საბჭოს თავმჯდომარის პოსტი 2010 წლის აგვისტომდე  შეინარჩუნა.

შემდეგ,  „ბანკი რესპუბლიკას“ უკვე  ყოფილი გენერალური დირექტორის მოადგილე გაერთიანებულ ტელეკომის (სილქნეტი)  კომერციული დირექტორის პოზიციაზე იყო, 2011  წლის სექტემბრიდან კი  „ბანკ რესპუბლიკას“ კომერციული დირექტორის თანამდებობა დაიკავა.

„რესპუბლიკას“ აქტივებით ჯერ კიდევ “ჰუალინგის“  დაინტერესებამდე, Societe-ს მიერ კუკულაძესთვის  ჯგუფის ევროპულ ფილიალში მიწვევის  ინფორმაცია ვრცელდებოდა.

მოგვიანებით კი, საზოგადოება რისი მომსწრეც გახდა,  ყველაფერი  შეიცვალა, მათ შორის ჰუალინგის და Societe-ს დაანონსებული გარიგებაც ჩაიშალა, რესპუბლიკას აქტივების ახალი მყიდველი თიბისი ბანკი გამოჩნდა და 315 მლნ-იანი კონტრაქტი მალევე შედგა.

გავრცელებული ინფორმაციით,  საბანკო ბაზარზე ახალ გადანაწილებას უკავშირდება “საქართველოს ბანკის“ CEO-ს მურთაზ კიკორიას წასვლა, თითქოს  მისი მონდომება არსაკმარისი აღმოჩნდა, მთავარი კონკურენტი რომ არ გაძლიერებულიყო.