თბილისი (GBC) - iPhone+ -ის დამფუძნებელმა მამუკა მარღიშვილმა საქართველო დატოვა.

როგორც კომპანიის მიერ გავრცელებულ საგანგებო განცხადებაშია ნათქვამი, 21 ნოემბერს, სასტუმრო "რედისონში" "აიფონ პლუსის" წარმომადგენლები პრესკონფერენციას გამართავენ.

მათივე ინფორმაციით,  წარმოდგენილი იქნება, თბილისის სააპელაციო სასამართლოს თავმჯდომარის ვალერიან ცერცვაძის iTechnic-თან კავშირების უტყუარი დამადასტურებელი ახალი მტკიცებულებები. ასევე, წარმოდგენილი იქნება დამატებით ფაქტები ვალერიან ცერცვაძის და მისი მეუღლის მცდელობებებზე კომპანიის მიზანმიმართულად გაკოტრებასთან დაკავშირებით.

პრესკონფერენციაზე კომპანიის დამფუძნებელი ვიდეოზარით ბრიუსელიდან ჩაერთვება. მამუკა მარღიშვილმა გადაწყვეტილება მიიღო საქართველო დაეტოვებინა.

"პრესკონფერენციაზე დაშვება ხორციელდება საშვის საშუალებით, გთხოვთ დაგვიკავშირდით +995 (32) 2 19 60 60" - ნათქვამია "აიფონ პლუსის" მიერ გავრცელებულ საგანგებო განცხადებაში.