თბილისი (GBC) -  BGEO ჯგუფი კიდევ ერთი კომპანიის IPO -სთვის ემზადება. 

ამჯერად საუბარია Georgia Global Utilities -ზე, რომელიც საქართველოში კომუნალურ და ენერგეტიკულ აქტივებს ფლობს, მათ შორის "ჯორჯიან უოთერ ენდ ფაუერს", "რუსთავის წყალსა"  და "მცხეთის წყალს". 

კომპანიის აქციების საჯარო შეთავაზება (IPO) 2-3 წელიწადშია დაგეგმილი და ამ მნიშვნელოვანი პროცესის მოზადებას საინვესტიციო ბანკირი, არჩილ გაჩეჩილაძე უზრუნველყოფს, რომელიც კომპანიის აღმასრულებელ დირექტორად ინიშნება. 

ჯგუფის CEO ირაკლი გილაური ამბობს, რომ არჩილ გაჩეჩილაძის ახალი პოსტი კომპანიის გუნდის გაძლიერებას ემსახურება. 

აღსანიშნავია ისიც, რომ ამ ეტაპზე, კომუნალური ბიზნესის მმართველ რგოლში ცვლილებები არ იგეგმება. 

შეგახსენებთ, BGEO-მ გასულ წელს "საქართველოს ჯანდაცვის ჯგუფის" წარმატებული IPO ლონდონის ბირჟაზე განახორციელა.