თბილისი (GBC) – Online სესხებზე  მთავრობის 3-ვერსიან   ანონსს - დილის, სიესტის და  მწუხრის ჟამის,  ბიზნესმენები პანიკის კვალიფიკაციას ანიჭებენ, რაც მე-4 ვერსიაზე მიანიშნებს - რომ „ლარი  აღარასოდეს გამყარდება“.  

„პირველი საკრედიტო კავშირის“ დამფუძნებელი გივი კორინთელი  აცხადებს, რომ  ანონსის შინაარსის გარდა ფორმულირებაც იყო დამაბნეველი - პირველი ეფექტი იყო საზოგადოების და ბიზნესის დაბნეულობა - აკრძალვა, შეზღუდვა თუ რეგულირება? ეს სინონიმები არ არის.

მთავრობის ბოლოდროინდელი ლექსიკის ანალიზი, მოკლევადიან და საშუალოვადიან  პერიოდში ლარის დინამიკის პროგნოზის არარსებობა,  კორინთელს  და ბაზრის  სხვა მონაწილეებს უიმედობის განცდას  უჩენს, რასაც  კურსთა სხვაობის  (-20 პუნქტი)  სუბსიდირებაც ამყარებს.

როგორც იცით, პრემიერმა და ფინანსთა მინისტრმა  სამშაბათს მთელი რიგი ინიციატივები წარადგინეს,  $40 000-მდე  სესხის  კონვერტაციაშის თანამონაწილეობა, 100 000 ლარამდე  უცხოურ ვალუტაში  დაკრედიტების  შეზღუდვა,  აქციზის გაზრდა საწვავზე, ავტოიმპორტზე, სათამაშო ბიზნესსა და თამბაქოზე.