თბილისი (GBC) - მოძრაობა KAR.GE -ის ორგანიზებით ქართული და უცხოური წვენების უპრეცედენტო მასშტაბის ბრმა დეგუსტაცია ჩატარდა.

 8 ბრენდის [ბრავო, კამპა, მია სემია, რაუხი, სადაჩოკი, სანდორა, სანტალი, ჩვენი] 29 დასახელების ქართული და უცხოური წვენები 50-მდე მოწვეულმა დეგუსტატორმა [რესტორატორი, ჰოტელიერი, ჟურნალისტი, მეწარმე, დაინტერესებული საზოგადოება]  შეაფასა.

პრემიუმ სეგმენტში ატმის წვენებში გამარჯვებული გახდა "სანდორას" ნაწარმი, კომპანამ პირველი ადგილი დაიკავა ალუბლისა და ფორთოხლის წვენებშიც,  ვაშლის წვენებში გამარჯვება "კამპას" ერგო, რომელმაც  ლიდერობა მოიპოვა ბროწეულის წვენებშიც. 

საბიუჯეტო სეგმენტში კი, ყველა სეგმენტში გამარჯვებული გახდა კომპანია  "ჩვენი". 

საერთო ჯამში, ბრმა დეგუსტაციის 8 რაუნდიდან 5-ში ქართულმა ბრენდებმა გაიმარჯვეს, 3-ში უცხოურმა.

ბრმა დეგუსტაციების პროექტი მოძრაობა KAR.GE-ს ახალი ინიციატივაა, რომელი 2016 წლის თებერვალში დაანონსდა. ხანგრძლივვადიანი მოსამზადებელი სამუშაოების შემდეგ დაინიშნა პირველი - ქართული და უცხოური წვენების ბრმა დეგუსტაცია, რომელიც 29 ნოემბერს ჩატარდა.