თბილისი (GBC) -  მომხმარებელთა თხოვნის გათვალისწინებით აქცია ,,გადაიხადე  50%“  31 დეკემბრამდე გაგრძელდა.

,,ჯორჯიან უოთერ ენდ ფაუერის”,  ,,რუსთავის წყლის” და ,,მცხეთის წყლის“ აბონენტები აქტიურად  მონაწილეობენ აქციაში. 

კომპანიის ცნობით, აქციის პირობები იგივეა - დავალიანების მქონე აბონენტებს,  2015 წლის 1 იანვრამდე მოხმარებული წყლის საფასურის 50%-ის გადახდის შემთხვევაში, აღნიშნული პერიოდის დავალიანების მეორე ნახევარს ავტომატურად ჩამოაჭრის. 

აბონენტები მარტივად,  ოფისში მისვლის გარეშე,  ერთვებიან აქციაში და  სარგებლობენ ხელსაყრელი პირობებით.

დავალიანების 50%-ის დასაფარად, აბონენტი რეკავს „ჯორჯიან უოთერ ენდ ფაუერის“  ცხელ ხაზზე - 2 93 11 11, ან სარგებლობს კომპანიის ფეისბუქით და ვებგვერდზე არსებული ონლაინ ჩათით.  ოპერატორი მომხმარებელს  აბონენტის ნომრის მიხედვით ეხმარება დავალიანების ოდენობის დაზუსტებაში და დავალიანების ჩამოწერაში.

სურვილის შემთხვევაში მომხმარებლები მიმართავენ კომპანიის სერვისცენტრებს.