თბილისი (GBC)-  საერთაშორისო სავალუტო ფონდი  მომავალ წელს საქართველოში  ინვესტიციების ზრდას ელის. 

ფონდის მუდმივმა წარმომადგენელმა, ფრანსუა პეჰშომ საქართველოს მიმდინარე და მომავალი წლის ეკონომიკური ზრდის პროგნოზებზე „ბიზნესკონტაქტთან“ ისაუბრა.

„ჩვენი თავდაპირველი პროგნოზის გამოქვეყნების შემდეგ, ფაქტიური ეკონომიკური აქტივობა იმაზე დაბალი აღმოჩნდა, ვიდრე მოველოდით მიმდინარე წელს. მთლიანი შიდა პროდუქტის რეალური ზრდა 9 თვის განმავლობაში 2.7% იყო, მაშინ, როცა ჩვენ 3.4 % ვვარაუდობდით. ამდენად,  ეკონომიკური აქტივობის ზრდას მომავლი წლიდან ველით  4 პროცენტის ფარგლებში,  გამომდინარე იმ დაშვებიდან, რომ მომავალ წელს გაიზრდება კერძო და საჯარო ინვესტიციები,“ - აღნიშნა ფრანსუა პეჰშომ.