თბილისი (GBC) - „ღვინის ნულოვანი მერიდიანი“   (რეჟ. ნანა ჯორჯაძე) ჰოლივუდის საერთაშორისო დამოუკიდებელი დოკუმენტური ფილმების ფესტივალზეა ნომინირებული.  

სომელიეთა ასოციაციის მიერ გადაღებული ფილმი HOLLYWOOD INTERNATIONAL INDEPENDENT DOCUMENTARY AWARDS -ის ოფიციალურ სელექციაში მოხვდა. გამარჯვებული 2017 წლის იანვარში გამოვლინდება. 

ფილმი დაფინანსებულია   „მარანი ხეცურიანის“   და მხარდაჭერილია  სოფლის მეურნეობის სამინისტროს ღვინის ეროვნული სააგენტოს  მიერ.

კონცეფციის ავტორი და პროდიუსერი - შალვა ხეცურიანი, რეჟისორი - ნანა ჯორჯაძე, სცენარის ავტორი - თამარ ბართაია, დამდგმელი ოპერატორი - მიხეილ კვირიკაძე, აღმასრულებელი პროდიუსერი - ჟანა სარდლიშვილი, მთავარ როლში - რევაზ ხეცურიანი. 

ფილმს უკვე ორი პრიზი აქვს მიღებული: ესპანეთში გამართულ საერთაშორისო კინოფესტივალზე MOST 2016 წლის საუკეთესო საერთაშორისო ფილმის ტიტული მოიპოვა, საფრანგეთში OENOVIDEO ღვინის კინოფესტივალზე წლის საუკეთესო ენოლოგიური ფილმის.

სურათი ასევე  ნომინირებულია  BARCELONA PLANET FILM FESTIVAL-ის საუკეთესო დოკუმენტური ფილმის პრიზზე.