თბილისი (GBC) – EBRD-მა Global Beer Georgia (GBG)-ს €18.5 მლნ  გამოუყო, ლუდის ინოვაციური ქარხნის მშენებლობის და ფუნქციონირების მხარდასაჭერად.

დაფინანსების სინდიცირებული პაკეტი მოიცავს €6.2 მილიონი ევროს  “A” სესხს ევრობანკის პირადი ანგარიშიდან და € 6.2 მილიონი ევროს  “B” სესხს ჰოლანდიის მეწარმეობის განვითარების ბანკისგან FMO.

ამ სქემაში გერმანიის ინვესტიციისა და განვითარების ბანკი DEG  პარალელური კრედიტორის რანგშია და  ასევე € 6.2 მილიონ  გამოყოფს.

ახალი ლუდის ქარხანა აწარმოებს ადგილობრივ და  საერთაშორისო ლუდის ბრენდებს ( Heineken®, Krusovice® და Amstel®).

 შპს. Global Beer Georgia-ს მფლობელია სს "თელიანი ველი", რომელიც Heineken® და Krusovice®-ს დისტრიბუტორია და უახლოეს წლებში  ამ ბრენდების,  ასევე Amstel®-ის საქართველოში წარმოებას გეგმავს.

კომპანია ლუდის ადგილობრივი ბრენდის შექმნასაც აპირებს.