თბილისი (GBC) - ახალი აბრეშუმის გზის პროექტი რეგიონის ბედს შეცვლის, ის პლანეტის მომავალია, - მიიჩნევს Eurasia Media Network-ის მთავარი რედაქტორი მალიკ აიუიბ სუმბალი.

ეს მსოფლიო პროექტია, რომელიც შეცვლის იმ ქვეყნების ბედს, რომელზეც გაივლის, რადგანაც ცენტრალური აზიის ქვეყნები, სამხრეთ აზია და კავკასია მიიღებენ გადასახადებს და შემოსავლებს, რომელიც შეავსებს მათ ბიუჯეტებს“, - განუცხადა ექსპერტმა სააგენტო Trend-ს.

მისი თქმით, ჩინეთი ოცნებობს შექმნას ერთი სარტყელი და ერთი გზა, რათა მსოფლიო ვაჭრობის ტრანსფორმაცია მოახდინოს . ეს პროექტი ძალიან მნიშნველოვანია ევროპისთვისაც, არსებულ ვითარებაში, როდესაც ევროკავშირი მისი ისტორიის მანძილზე ყველაზე უარეს დეზინტეგრაციას აწყდება.

ექსპერტი მიიჩნევს, რომ სამხრეთ კავკასიაზე მარშრუტი იქნება მთავარი გზა ჩინეთიდან ევროპისკენ, რადგანაც სამხრეთ კავკასიას აქვს მომგებიანი გეოპოლიტიკური მდებარეობა.

აბრეშუმის გზას ექნება ვაჭრობის განვითარების, საზღვრების გახსნის და სამხრეთ კავკასიის ქვეყნების სხვა ქვეყნებთან კავშირების დამყარების შესაძლებლობა.

არსებობს ასევე დიდი შესაძლებლობა განვითარდეს ტურიზმი ამ ქვეყნებში და აბრეშუმის გზა ხელს შეუწყობს ამ სფეროს განვითარებასაც.