თბილისი (GBC) - "ჯეოსელის" მფლობელი შვედური Telia -ს CEO, იოჰან დენელინდი "დარწმუნებულია", რომ 2017 წელს, დარჩენილ ევრაზიულ აქტივებს მოიშორებს, გასული წლის უშედეგო მცდელობის შემდეგ.

globaltelecomsbusiness-ი აღნიშნავს, რომ კომპანიაში კონკრეტულ ვადებს ვერც ახლა ასახელებენ. 

დენელინდი ამბობს, რომ Fintur Holdings-ის მიმართ მაღალი ინტერესია და განიხილავენ, რომ დიდი ალბათობით, ევრაზიული აქტივები 2017 წლის განმავლობაში გასხვისდება, თუმცა ეს არ ეხება Ucell-ს, სადაც  გართულებული ვითარების გამო, მისი გასხვისების ვადები რთულად საპროგნოზოა. 

შეგახსენებთ, გასული წლის ბოლოს, Telia -მ და Turkcell -მა მიაღწიეს შეთანხმებას Fintur Holdings-ში წილის ერთობლივად გაყიდვაზე. Telia-ს სურს აქცენტი ევროპულ აქტივებზე გააკეთოს.

შეგახსენებთ, Fintur Holdings ფლობს Geocell -ს, Moldcell-ს, Azercell -სა და ყაზახურ Kcell . 

"თურქსელი" და "თელიასონერა" კომპანია "ფინტურში"  შესაბამისად, 41% და 59% ფლობენ.