თბილისი (GBC) -  ევროპის საინვესტიციო ბანკის (EIB) მიერ საქართველოსთვის გამოყოფილი 350 მლნ ევრო ინფრასტრუქტურულ პროექტებზე დაიხარჯება.

EIB -სთან 2 სასესხო ხელშეკრულებაა გაფორმებული, რომლსაც საქართველოს პარლამენტი განიხილავს.

ფინანსთა მინისტრის მოადგილის, გიორგი კაკაურიძის განცხადებით, ევროპის საინვესტიციო ბანკმა, საქართველოს, სესხის სახით 100 მლნ. ევრო 25 წლის ვადით გამოუყო. მათ შორის 5 წელი შეღავათიანი პერიოდი იქნება.

აღნიშნული რესურსი საქართველოს სხვადასხვა რეგიონში გზების, ქუჩების, წყალსადენების და კანალიზაციის სისტემების სარეაბილიტაციო სამუშაოების განსახორციელებლად იქნება მიმართული. პროექტს, მუნიციპალური განვითარების ფონდი განახორციელებს.

მეორე, უფრო მსხვილი კრედიტის - 250 მლნ. ევროს  ხანგრძლივობა 30 წელია, მათ შორის 7 წელი შეღავათიანია, ხოლო საპროცენტო განაკვეთი EURIBOR-ზე ან LIBOR-ზეა დამოკიდებული.

რესურსით გათვალისწინებულია შემდეგი საავტომობილო გზების დაფინანსება: უბისა-შორაპანი, გრიგოლეთი-ფოთი, გრიგოლეთი-ჩოლოქი, რუსთავი-სადახლო, თბილისი-საგარეჯო, საჩხერე-რაჭა, საირმე-აბასთუმანი. პროექტს საქართველოს საავტომობილო გზების დეპარტამენტი განახორციელებს.