თბილისი (GBC) –  ინფლაციის  მოსალოდნელი ზრდისთვის  2 თვით ადრე ეროვნული ბანკის მზადყოფნაზე    და მის მაპროვოცირებელ ფაქტორებზე  კობა  გვენეტაძემ  კიდევ ერთხელ განაცხადა, ამჯერად „საზოგადოებრივი მაუწყებლის“ ეთერიდან.

სებ-ის პრეზიდენტმა გაიხსენა, რომ ჯერ კიდევ დეკემბერში განაცხადა აქციზის ზრდით ინფლაციას გაზრდის მოლოდინზე, ასევე კიდევ 2 ფაქტორზე - დოლარის გლობალური გამყარების და ლირას გაუფასურების წნეხის გადმოცემაზე. 

მან  მონეტარული პოლიტიკის გადაცემის 4-6 კვარტლიან პერიოდზეც გაამახვილა ყურადღება, რითაც ზედმეტი მიწოდების  გრძელვადიანი საფრთხის რისკები ახსნა, თუმცა ზომიერი ინფლაციის შესანარჩუნებლად მპკ -ის  ოქტომბრის გადაწყვეტილება 6 კვარტლის ჭრილში არ განუხილავს.  მაშინ სებ-მა განაკვეთი უცვლელი დატოვა, აღარ შეარბილა, თუმცა ზომიერი ზრდის უზრუნველყოფისთვის ჯობდა თუ არა  სხვა გადაწყვეტილება არ დაუკონკრეტებია.

სებ-ის პრეზიდენტმა განაცხადა, რომ მარეგულირებელი რეალურ ფაქტორზე რეაგირებს, იმ დროისთვის კი აქციზის მოსალოდნელ ზრდაზე საქმის კურსში არ იყო, თუმცა კობა გვენეტაძემ განაცხადა, რომ  ეროვნული ბანკი მთავრობასთან მუდმივ კოორდინაციაშია.