თბილისი (GBC) - ტერაბანკი ფართომასშტაბიან გათამაშებას იწყებს - “აიწყე ცხოვრება ტერაბანკთან ერთად”!

გათამაშებაშია გარემონტებული ბინა ვაკეში, 2016 წლის ავტომანქანა Toyota RAV4, ხელფასი 2000 ლარის ოდენობით და საგზური ევროპის ნებისმიერი მიმართულებით.

„ამ ყველაფრის მფლობელი ის იღბლიანი გახდება, რომელიც 22 თებერვლიდან 15 ივნისის ჩათვლით ტერაბანკში აიღებს სესხს ან გახსნის ანაბარს ლარის, ევროს ან დოლარის ვალუტაში“, - აცხადებენ ბანკში, აღნიშნავენ, რომ სესხის აღების შემთხვევაში ყოველ 1000 ერთეულზე მომხმარებელს გადაეცემა 1 ბილეთი, ხოლო ანაბრის გახსნის შემთხვევაში ბილეთების რაოდენობა ორმაგდება.

აქციის მსვლელობისას ტერაბანკი გაათამაშებს სამ შუალედურ პრიზს - 3 სასაჩუქრე ნაკრებს სახლისთვის, მანქანისთვის და მოგზაურობისთვის.

შუალედური პრიზების გათამაშება მოხდება 20 მარტს, 20 აპრილს და 20 მაისს 20:00 საათზე ტერაბანკის ოფიციალურ Facebook გვერდზე ლაივსტრიმის მეშვეობით.  ფინალური გათამაშება გაიმართება 20 ივნისს, 20:00 საათზე.

მენეჯმენტის ცნობით, გათამაშების ფარგლებში ტერაბანკში მოქმედებს განსაკუთრებული პირობები ვადიან ანაბრებსა და საკრედიტო პროდუქტებზე.

მეტი ინფორმაციის გაცნობა მსურველს  ტერაბანკის ოფიციალურ გვერდზე www.terabank.ge   შეუძლია.

ტერაბანკი - ჩემი ფინანსური სახლი, 17 წელია, რაც ქართულ საბანკო ბაზარზეა. ბანკი 1999 წლის 10 დეკემბერს დაარსდა. 2007 წლის 30 დეკემბერს არაბულმა „დაბი ჯგუფმა“ საქართველოში პირველი ინვესტიცია განაახორციელა და ბანკი შეისყიდა.