თბილისი (GBC) -  საქართველო არის ქვეყანა, სადაც ინვესტიციების განხორციელება არის სასურველი, - მიიჩნევს  პირველი ვიცე-პრემიერი.

დიმიტრი ქუმსიშვილი მოხსენებით გამოვიდა ბიზნეს ფორუმზე „საქართველოს ეკონომიკა: პერსპექტივები და გამოწვევები“, რომელიც კომპანიის Business Information Agency ორგანიზებით გაიმართა.

მისი განცხადებით, ფორუმი კარგი საშუალებაა, რათა გაჟღერდეს, რომ „საქართველო არის ქვეყანა, სადაც ძალიან მარტივია ბიზნესის დაწყება და კეთება;

"საქართველოა არის ქვეყანა, სადაც თქვენ გაქვთ მთავრობის ყველანაირი მხარდაჭერა და შექმნილია ბიზნეს გარემო, რომელიც გაძლევთ შესაძლებლობას, რომ ძალიან სწრაფად და მარტივად დაიწყოთ თქვენი ბიზნესი; ეს არის ქვეყანა, რომელმაც ძალიან კარგად გამოიარა 2014 წლიდან 2017 წლის დასაწყისამდე რეგიონში არსებული კრიზისი და უკვე დღეს აქვს შესაძლებლობა, საკმაოდ გამართული შეხვდეს მომდევნო 3-4 წელიწადს იმისათვის, რომ როგორც რეგიონში, ისე მსოფლიოში იყოს ერთერთი წარჩინებული ქვეყანა“, - განაცხადა  ქუმსიშვილმა.