თბილისი (GBC) – მთავრობა მომავალში კიდევ ბევრ მნიშვნელოვან გადაწყვეტილებას მიიღებს ბიზნესის სიმარტივის, მისი წახალისებისა და მხარდაჭერის მიმართულებით, - ფინანსთა მინისტრი ბიზნესის მხარდაჭერის ღონისძიებებს აანონსებს, ამბობს, რომ ისინი დაპირებებს ასრულებენ.

 „2016 წელს ჩვენ ამომრჩევლის წინაშე 4-პუნქტიანი გეგმით წარვდექით და ერთერთი მსხვილი რეფორმა, რომლის გატარებასაც დავპირდით, უკვე შევასრულეთ. ჩვენ შევცვალეთ საგადასახადო კანონმდელობა. დღეს საქართველოში მოგების გადასახადს კომპანიები მხოლოდ იმ შემთხვევაში იხდიან, თუკი აღნიშნული მოგება განაწილდება დივიდენდის სახით,“ - განაცხადა დიმიტრი ქუმსიშვილმა ორშაბათს ბიზნეს ფორუმზე გამოსვლისას.

ფორუმზე „საქართველოს ეკონომიკა: პერსპექტივები და გამოწვევები“  ქუმსიშვილმა მთავრობის რეფორმების 4-პუნქტიან გეგმაზე და მის შედეგებზე ისაუბრა.