თბილისი (GBC) -  ყველაფერი კეთდება, რათა სახელმწიფოს მხრიდან დახარჯული რესურსები იმ მოთხოვნების შესაბამისი იყოს, რაც კერძო სექტორს აქვს, - აცხადებს ფინანსთა მინისტრი და კადრების გადამზადებისთვის მნიშვნელოვან ნაბიჯებს აანონსებს.

„ყველა მნიშვნელოვანი საერთაშორისო კვლევა აჩვენებს, რომ ერთერთი ყველაზე მნიშვნელოვანი, რაც ქვეყანაში ინვესტიციების მიმზიდველობას განაპირობებს, მცოდნე მუშახელია. „Skill Force“ - როგორც ეძახიან მას ინგლისურად. სწორედ ამ მიმართულებით სახელმწიფო ძალიან მნიშვნელოვან ნაბიჯებს გადადგამს მომდევნო წლებში, - განაცხადა პირველმა ვიცე-პრემიერმა, ბიზნეს ფორუმზე „საქართველოს ეკონომიკა: პერსპექტივები და გამოწვევები“ გამოსვლისას.

ქუმსიშვილი ამბობს, რომ სახელმწიფო რესურსი და ინვესტიციები ბაზრის მოთხოვნებიდან გამომდინარე უნდა დაიხარჯოს.