თბილისი (GBC) - საქართველოს ეროვნული ბანკის პრეზიდენტის, კობა გვენეტაძის განცხადებით, დეპოზიტების დაზღვევა მოიაზრება იმ ბადეში, რომელიც ფინანსური სტაბილურობისთვის არის შექმნილი.

"უმრავლეს ქვეყნებს მსოფლიოში აქვთ ეს სისტემა და ვფქირობ, ეს მნიშვნელოვანია ქვეყნისთვის, რადგანაც იგი უფრო განამტკიცებს ნდობას ფინანსური სისტემისადმი საქართველოში, - აღნიშნავს გვენეტაძე. 

მისივე თქმით, ზოგადად სჯობს ასეთი სისტემა შემოღებული იყოს ნორმალურ და კარგ სიტუაციაში, რადგანაც ბაზარმა უფრო კარგად მიიღოს ის.

„ვფიქრობთ, რომ სწორედ ახლა არის ეს კარგი სიტუაცია”, - ამბობს ქვეყნის მთავარი ბანკირი და  აღნიშნავს, რომ ეს ვალდებულება ქვეყანას ასოცირების ხელშეკრულებით ჰქონდა აღებული და მისი გაკეთება სულ ცოტა ხანში აუცილებელიც იქნებოდა.

„ეს არის წინ წაგდებული საქმე და ვფიქრობთ, რომ ნორმალურად ჩაივლის პროცესი“, - განაცხადა გვენეტაძემ.