თბილისი (GBC) – USAID-ის პროექტი Zrda პანკისის ხეობაში მცირე გრანტების პროგრამას იწყებს.

პროგრამას ადგილობრივ თემებს, USAID-ის მისიის დირექტორის მოადგილე,  თომას მორისი და ახმეტის მუნიციპალიტეტის გამგებელი,  სოფელ დუისის კულტურის სახლში ხვალ, 23 მარტს წარუდგენენ.

ვიზიტის დროს სტუმრები ეწვევიან ფერმერებს, საოჯახო სასტუმროების მფლობელებსა და სოფლის მოსახლეობას, რომლებსაც პროექტი Zrda დახმარებას უწევს სოფლის მეურნეობისა და ტურიზმის განვითარებაზე ორიენტირებული საქმიანობების განხორციელების გზით.

მცირე გრანტების პროგრამა დაეხმარება პანკისში მოქმედ ოცდაათ მცირე ბიზნესს, ხოლო ათი მათგანის დახმარება განხორციელდება 2017 წელს.

მცირე გრანტების პროგრამა წარმოადგენს იმ პროგრამების გაგრძელებას, რომლებსაც პროექტი Zrda უკვე ახორციელებს პანკისის თემებში და იგი ხელს შეუწყობს პროექტის საქმიანობების დივერსიფიცირებას.