თბილისი (GBC) - აჭარის ტურიზმის დეპარტამენტის ტურისტული პროდუქტების განვითარების სააგენტოში გიდებისთვის ტრენინგები იწყება.

მთიანი აჭარის ტურისტულ მარშრუტებზე გადამზადების მსურველთა რეგისტრაცია სააგენტოში 5 აპრილამდე გაგრძელდება. ტრენინგების ფარგლებში 60 გიდი გადამზადდება.

გადამზადება მთიანი აჭარის 4 ტურისტული მიმართულებით იგეგმება. • მაჭახელას მარშრუტი + მაჭახელას დაცული ტერიტორია • ქედის ღვინის მარშრუტი+ მერისის მარშრუტი • მაღალმთიანი აჭარა _ ჩირუხის მარშრუტი , სხალთა - ხიხანის მარშრუტი, ხულო გოდერძი - მწვანე ტბის მარშრუტი • დაცული ტერიტოერიები: კინტრიში, მტირალა, ისპანი + ფრინველებზე დაკვირვება ( სახალვაშო- შუამთა ).

ტრენინგების საშუალო ხანგძლივობა ორი კვირაა. ის მოიცავს თეორიულ და პრაქტიკულ სალექციო პროგრამას, რომელიც როგორც აჭარის ტურიზმის დეპარტამენტში ასევე, უშუალოდ ტურისტულ მარშრუტებზე ჩატარდება.

 მსურველებს CV-ის გაგზავნა შეუძლიათ  ელექტრონულ ფოსტაზე Agency@gobatumi.com. დამატებითი ინფორმაციის მიღება შესაძლებელია ნომერზე +422 29 44 33.