თბილისი (GBC) - სახელმწიფო დასაქმების ხელშეწყობისთვის  676 ათას ლარს დახარჯავს.

ახალი პროგრამა უკვე დამტკიცებულია, რაც  თავისუფალი სამუშაო ადგილების მოძიებასა და  სამუშაოს მაძიებელთა დამსაქმებლებთან ეფექტური კავშირის ხელშეწყობაზეა ფოკუსირებული.

პროგრამის ფარგლებში მოხდება სისტემა www.worknet.gov.ge განვითარება, შრომის ბაზარზე კონსულტაციების გაწევა, ფორუმების გამართვა, კვლევების ჩატარება და  ასევე მოწყვლადი, დაბალკონკურენტუნარიანი ჯგუფების დასაქმების ხელშემწყობი მექანიზმების შემუშავება-დანერგვა, მათ შორისაა შეზღუდული შესაძლებლობების მქონე და სპეციალური საჭიროების მქონე პირთა დასაქმების ხელშეწყობა.

თუ კერძო სექტორი გამოხატავს მზაობას დაასაქმოს ეს პირები, სახელმწიფო მათი შრომის ანაზღაურების სუბსიდირებას მოახდენს. პროგრამა ითვალისწინებს ხელფასის სუბსიდირებას 50%-იანი დაფინანსებით, არაუმეტეს 460 ლარისა.