თბილისი (GBC) - ფრანგული კომპანიები საქართველოს ბიზნესგარემოს ეცნობიან.

თბილისში ვიზიტით საფრანგეთის უმსხვილესი ბიზნეს-გაერთიანების, MEDEF-ის დელეგაცია იმყოფება, რომლის შემადგენლობაში არიან ისეთი მსხვილი ფრანგული კორპორაციების ხელმძღვანელი პირები, როგორიცაა „ეარბასი“, „ალსტრომი“, „სოსიეტე ჟენერალი“, „პომა“, „ობერტიური“, „ივეკო ბასი“, „ბიურო ვერიტასი“ და სხვ.

 MEDEF-ის დელეგაციის წევრებს საქართველოს ეკონომიკური მაჩვენებლები პირველმა ვიცე-პრემიერმა გააცნო, მათთვის ვრცელი პრეზენტაცია გამართა და მთავრობის 4-პუნქტიანი სტრატეგიაც წარუდგინა, საუბარი შეეხო  ცვლილებებს საგადასახადო კანონმდებლობაში, საინვესტიციო შესაძლებლობებს, სტრუქტურულ და მმართველობით რეფორმებს, რომლებიც ქვეყანაში მდგრად ეკონომიკურ ზრდას უზრუნველყოფს.

MEDEF-ის დელეგაციის ვიზიტი საქართველოში ორ დღეს გასტანს. ამ პერიოდის განმავლობაში ფრანგული ბიზნეს-გაერთიანების წევრები შეხვედრებს გამართავენ საქართველოს საჯარო და კერძო სექტორების წარმომადგენლებთან.