თბილისი (GBC) - „ჯიბის კაცი“ - ნიუ-იორკის საერთაშორისო საბავშვო კინოფესტივალის საუკეთესო TOP-12 -ში მოხვდა.

ანა ჩუბინიძის  ილუსტრირებული ანიმაციური ფილმი ფესტივალის ჟიურიმ და მაყურებელმა შეაფასა.

New-York International Children's Film Festival -ზე 2500 განაცხადიდან მხოლოდ 100-მა მოიპოვა მონაწილეობის უფლება და ანა ფინალისტებს შორის პირველია საქართველოდან. ფილმი აშშ-ში მსოფლიო პრემიერაზე  (15/03/17) თიბისი სტატუსის საქველმოქმედო პლატფორმით  statusdonates.ge -ს  წარდგა.

„ჯიბის კაცს“  საფრანგეთის ტელეკომპანია  Canal +  აჩვენებს. ანას ნამუშევარმა დამატებით,  მონრეალის საერთაშორისო საბავშვო კინოფესტივალზე საუკეთესო მოკლემეტრაჟიანი ფილმის წოდებაც მოიპოვა და შესაბამისად მომავალში 16-მდე  სხვადასხვა კინოფესტივალში მონაწილეობის საშუალებც.

statusdonates.ge კიდევ ერთი ახალგაზრდის   საკონკურსო  ვიზიტს დააფინანსებს. 10 წლის ვირტუოზი პიანისტი გოგონა ახალქალაქიდან, რომელსაც განსაკუთრებული საფორტეპიანო მონაცემები აქვს, ცნობილმა პედაგოგმა და მეთოდოლოგმა მიშელ სონიმ პარიზში მიიწვია.

ანაჰიტმა ნოტები კარგად არ იცის, თუმცა საყვარელ კლასიკურ ნაწარმოებებს თუ ჯაზ კომპოზიციებს სმენით  ასრულებს.  ელისო ბოლქვაძის შეფასებით, გოგონას იშვიათი მუსიკალური ნიჭი აქვს.