თბილისი (GBC) -  მაგთიკომი მომხმარებელს მცირე პერიოდით, ქსელის გათიშვაზე აფრთხილებს. 

"გაცნობებთ, რომ პროგრამული უზრუნველყოფის განახლების მიზნით 05 აპრილიდან 06 აპრილის ღამეს  02:00 საათიდან 06:00 საათამდე პერიოდში გაითიშება 2G, 3G, 4G  და სი-დი-ემ-ეი ქსელი  (მწვანე კონცხი, ჩაქვი, სუფსა, შეკვეთილი, ოზურგეთის რაიონი - სოფ. ნატანები, ქ. თბილისი - დიღომი (ნაწილი), ნუცუბიძე (ნაწილი), რაც გამოიწვევს აქტიური სესიების გაწყვეტას.  მითითებულ პერიოდში  სადგურების გათიშვა მოხდება ეტაპობრივად მაქსიმუმ 20 წუთით. მომხმარებლებს შესაძლოა დასჭირდეთ თავიანთი აპარატურის გადატვირთვა (თუ მათი მოწყობილობა ავტომატურად არ ახდენს PDP სესიის გახსნას)", - ნათქვამია კომპანიის განცხადებაში.