თბილისი (GBC) –ზამთრის კურორტების მსოფლიო კონგრესის მასპინძლობის მნიშვნელობაზე პრემიერმა მთავრობის ხუთშაბათის სხდომაზე განაცხადა.

გიორგი კვირიკაშვილმა მოვლენის მრავალმხრივ დატვირთვაზე აღნიშნა: სოციალური, მთებში კულტურული მემკვიდრეობის შენარჩუნების,  უსაფრთხოების, ეკონომიკური განვითარების, - „ ამ მიმართულებით სახელმწიფო კვლავაც გააგრძელებს დიდი ინვესტიციების განხორციელებას. მთებში  გვაქვს აუთვისებელი უდიდესი ღირებულება . კონგრესი ქვეყნის ცნობადობის გაზრდას ემსახურება“, რაშიც   წლების განმავლობაში გვეხმარებოდა მსოფლიო ტურიზმის ორგანიზაციის გენერალური მდივანი, ტალებ რიფაი, რომელიც ღირსების ორდენით დაჯილდოვდა.

პრემიერმა თბილისში მიმდინარე „ევროპისა და აზიის მთის კურორტების მე-3 კონფერენციას ისტორიული ფორუმი უწოდა.

აღნიშნა,  რომ მთის კურორტების განვითარება პრიორიტეტულია და  შესაბამისი აქტივობებია დაგეგმილი, - „სულ რამდენიმე წელში ზამთრის რომელიმე სახეობაში მსოფლიო ჩემპიონატის ფინალური ტურნირი უნდა ჩავატაროთ. სწორი გზით მივდივართ:  დაგეგმარების პროცესი, სამთო გიდებისთვის,  სამთო-სათხილამურო სკოლების ქსელის განვითარება, ზამთრის არდადეგების მცოცავი გრაფიკის შექმნა და მორგება სამთო განვითარების გეგმაზე“, - განაცხადა პრემიერმა.