თბილისი (GBC) - საერთაშორისო სავალუტო ფონდის ახალი პროგრამა  ნიშნავს, რომ მომავალი სამი წლის განმავლობაში ყველა დაანონსებული გეგმის განსახორციელებლად, საერთაშორისო სავალუტო ორგანიზაციების მხრიდან ანთებული გვაქვს მწვანე შუქი, - ასე აფასებს სსფ-ს მიერ 285 მილიონიანი პროგრამის დაწყებას პრემიერი.

გიორგი კვირიკაშვილი ამბობს, მიღეული შედეგი არის ფინანსთა მინისტრის და ეკონომიკური გუნდის ინტენსიური მუშაობის შედეგი. 

"პროგრამის დამტკიცება უკვე ნიშნავს, რომ მომავალი სამი წლის განმავლობაში ყველა დაანონსებული გეგმის განსახორციელებლად, საერთაშორისო სავალუტო ორგანიზაციების მხრიდან ანთებული გვაქვს მწვანე შუქი. ეს ნიშნავს, რომ ყველაფერი განხორციელდება და იქცევა რეალობად. ეს გულისხმობს იმასაც, რომ ფისკალური დისციპლინა და ქვეყნის ფინანსების მართვა უნდა იყოს სათანადო დონეზე”, - განაცხადა პრემიერმა და ამ მიმართულებით  ეროვნული ბანკის კარგ, კოორდინირებულ მუშაობაზე  აღნიშნა,.

 „ქვეყნის ეკონომიკის მნიშვნელოვანი პოზიტიური დინამიკა სახეზეა, როგორც მაკროეკონომიკურ, ისე მიკრო დონეზეც. ჩვენი ვალია, რომ ეს დინამიკა შევინარჩუნოთ და კიდევ უფრო გავააქტიუროთ. სავალუტო ფონდის პროგრამის დამტკიცება არის ძალიან პოზიტიური სიგნალი ყველა იმ ინვესტორისთვის, რომელიც საქართველოს მიმართულებით მუშაობს," - განაცხადა გიორგი კვირიკაშვილმა.