თბილისი (GBC) - საქართველოს სავალუტო ფონდის ტექნიკური მისია სტუმრობს. დელეგაციას უკვე უმასპინძლა პარლამენტის საფინანსო-საბიუჯეტო კომიტეტის თავმჯდომარემ.

შეხვედრაზე სსფ-ს მისიი წარმომადგენლებმა  საქართველოს საბანკო და არასაბანკო საფინანსო სექტორის ზედამხედველობა-რეგულირების გაძლიერების, სრულყოფის გზებსა და მეთოდებზე ისაუბრეს.

მოხდა აზრთა გაზიარება საბანკო  დაწესებულებების არაპროფილური აქტივების, მიკროსაფინანსო ორგანიზაციების, სხვა საკრედიტო ინსტიტუტების საქმიანობის რეგულირების, მათი კლიენტების უფლებების დაცვის და საფინანსო ბაზარზე კონკურენტუნარიანი გარემოს ფორმირების მნიშვნელოვან საკითხებთან დაკავშირებით.

 კოვზანაძემ ხაზი გაუსვა საფინანსო სექტორის მდგრადობის  და ამ მიმართულებით საქართველოს ეროვნული ბანკისა და  მთავრობის მჭიდრო თანამშრომლობის მნიშვნელობას.

კანონმდებელმა  სტუმრებს გააცნო ქვეყნის ეკონომიკური ზრდის მაჩვენებლები,  მთავრობის რეფორმების ოთხპუნქტიანი გეგმა,   საფინანსო-ეკონომიკური პოლიტიკის ძირითადი მიზნები და ამოცანები.

როგორც იცით, მიმდინარე წლის მარტში საერთაშორისო სავალუტო ფონდმა განაახლა თანამშრომლობა საქართველოსთან, დაამტკიცა სამწლიანი ეკონომიკური პროგრამა და მხარდაჭერის ფარგლებში გამოუყო მას 285.3 მილიონი დოლარი.