თბილისი (GBC) - სასტუმრო ინდუსტრიის განვითარების კომპონენტს კიდევ ერთი ბენეფიციარი შეემატა.

პროგრამის „აწარმოე საქართველოში“  მხარდაჭერით შპს „ელგი“ სასტუმრო „ალაზნის ველის“ გაფართოებას შეძლებს - 31 ნომრიან სასტუმროს კიდევ  20 ოთახი დაემატება.

გაფართოების შემდედ სასტუმროში გაიხსნება საცურაო აუზი, საკონფერენციო დარბაზი, ქართული მარანი ქვევრის ღვინით  და სადეგუსტაციო დარბაზი.  

პროექტის ფარგლებში კომპანია „ელგის“   მიერ აღებული სესხის საპროცენტო განაკვეთის დიდ ნაწილს, სსიპ „აწარმოე საქართველოში“ დაფარავს.

პროექტის ჯამური ინვესტიცია 800 000 ლარს შეადგენს. სასტუმრო 2018 წლის ბოლოს გაიხსნება და პირველ ეტაპზე 45 ადამიანს დაასაქმებს.  

სასტუმრო  თელავში, ალაზნის გამზირზე, #75-ში მდებარეობს.