თბილისი (GBC) - ქართული კომპანიები საკუთარი პროდუქციით მომხმარებელთა მოხიბვლას  ჰონგ-კონგში შეეცდებიან.

სააგენტო  „აწარმოე საქართველოში“ მხარდაჭერით ქართული პროდუქცია   ჰონგ-კონგის  საერთაშორისო გამოფენაზე „HOFEX 2017” -ზე გამოიფინა.

ქართული სტენდის ქვეშ გამოფენაზე საკუთარ პროდუქციას წარადგენენ შემდეგი კომპანიები:  შპს „ქართული დაფნა“(დაფნისა და სუნელების წარმოება),  შპს „ვოთერ ლენდი,“  (ბრენდირებული ქართული წყაროს წყლისა და ადგილობრივად დამზადებული ლიმონათის წარმოება), შპს „ფალავანი“(ღვინის წარმოება),  შპს „არომაპროდუქტი" და შპს „გსკ ქულა“ (საერთაშორისო ბაზარზე წვენების, სოუსებისა და ჯემების წარმოების ინდუსტრიაში იმკვიდრებენ მნიშვნელოვან ადგილს),  შპს „ნატექსი“ და შპს „ჯეორჯიან პროდაქტ რენესანსი“ (კომპანიები თხილის წარმოებით და გადამუშავებით არიან დაკავებულები) და შპს „ბბ კომპანი“ (საქართველოში გადამუშავებულ არომატულ ყავას წარუდგენს ფართო საზოგადოებას ჰონგ-კონგში).

აზიის ერთ-ერთი უმსხვილესი და წამყვანი გამოფენა 8-11 მაისს იმართება, მასში 2500-ზე მეტი კომპანია მონაწილეობს და 38 000-ზე მეტი ვიზიტორი ჰყავს.