თბილისი (GBC) -  საკონსტიტუციო სასამართლო არაალკოჰოლური  სასმელების მწარმოებელთა სარჩელის განხილვას იწყებს. 

11 მაისს  11:00 საათზე  საქართველოს საკონსტიტუციო სასამართლოში  გაიმართება   N700   სარჩელის არსებითი განხილვის სხდომა. 

მოსარჩელე მხარეებია შპს „აიდიე ბორჯომი ბევერი-ჯიზ კომპანია“, შპს „კოკა-კოლა ბოთლერს  ჯორჯია“,სს „წყალი მარგებელი“, შპს „კასტელ ჯორჯია“;  მოპასუხე - საქართველოს პარლამენტი, საქართველოს ფინანსთა სამინისტრო;

მოსარჩელეები მოითხოვენ გაუქმდეს არააქციზური საქონლის სავალდებულო მარკირების დამდგენი ნორმატიული აქტები, რომლებიც ეწინააღმდეგება საქართველოს კონსტიტუციას, წარმოშობს უსაფუძვლო ფინანსურ ტვირთს და ლახავს საკუთრების უფლებას.

მწარმოებლები რამდენიმე მიმართულებით ჩიოდნენ, თუმცა, საკონსტიტიციო სასამართლომ წარმოებაში მიიღო სარჩელის ის ნაწილი, რომელიც საქართველოს საგადასახადო კოდექსის 192 -ე მუხლის კონსტიტუციურობას შეამოწმებს.

უალკოჰოლო სასმელების მწარმოებლებმა საკონსტიტუციო სასამართლოს საჩივრით 2015 წლის დეკემბერში მიმართეს.