თბილისი (GBC) - პარლამენტის საფინანსო-საბიუჯეტო კომიტეტის თავმჯდომარე ირაკლი კოვზანაძე, რომელიც ამავდროულად ბელარუსის  რესპუბლიკის  პარლამენტთან  მეგობრობის ჯგუფის ხელმძღვანელი არის, ბელარუსის ელჩს საქართველოში  მიხეილ მიატლიკოვს შეხვდა.

შეხვედრაზე განხილული იყო საქართველოს და ბელარუსის სახელმწიფოებს შორის წლების განმავლობაში არსებული სავაჭრო, ეკონომიკური და კულტურული  თანამშრომლობა და სამომავლო პერსპექტივები. აქცენტი გაკეთდა ბოლო პერიოდში ორმხრივი თანამშრომლობის პრიორიტეტულ მიმართულებებზე. კერძოდ, მრეწველობის, სოფლის მეურნეობის, ტურიზმის, სამედიცინო,  IT- ტექნოლოგიების, სპორტული ინფრასტრუქტურის ობიექტების მშენებლობისა   და სხვა ეკონომიკური პროექტებზე. რა პოტენციალი და მოთხოვნები არსებობს საქართველოსა და ბელარუსში ერთობლივი ბიზნეს საქმიანობის დასაწყებად და გასანვითარებლად.

ირაკლი კოვზანაძემ და   მიხეილ მიატლიკოვმა ისაუბრეს მიმდინარე წელს დაგეგმილ როგორც საპარლამენტო, ასევე სამთავრობო ორმხრივ  ვიზიტებზე. ყურადღება გამახვილდა საქართველო-ბელორუსის საპარლამენტო ურთიერთობის კიდევ უფრო გამყარებაზე, რაც მნიშვნელოვნად შეუწყობს ხელს ორი ქვეყნის თანამშრომლობის გააქტიურებას.