თბილისი (GBC) – გუდვილის კრედიტორების ( 30% ) ხმა  სასამართლოს მიერ კვლავ ჩახშობილია - უკანონობის დაკანონების საფრთხეებზე  ბიზნესმენი ივა ჭყონია აცხადებს.

კრედიტორებს კრების  გადავადება კვლავ მოუწიათ, უკვე მესამედ.

გუდვილიდან მმართველის  გაშვების  ეს უკვე მესამე წინააღმდეგობრივი მცდელობაა.  მათ ,,ბიზნეს ქეარ კორპორეიშენის’’  ჩანაცვლება სურთ ახლით - „ნექსია“ , რომელიც ტენდერით შეირჩა ( მონაწილეები: „ნექსია“;Baker tilly , RSM , Price Waterhouse coopers) ფასის  - $15 500 და პირობების (ყველა პრობლემურ საკითხზე პასუხისმგებლობის აღება) მიხედვით .

კრედიტორთა კომიტეტი  დამფუძნებლებსა და   რეაბილიტაციის მმართველს შორის უფლებამოსილების გამიჯვნას ითხოვს.

ამასთან, რამდენიმე საკითხის განხილვაც სურს, მათ შორის ერთ-ერთი კრედიტორის დაკმაყოფილების  გადმოვადებაა, რომელსაც ჯანმრთელობის პრობლემები აქვს.

კრედიტორებს მოსალოდნელი საკანონმდებლო ცვლილებების იმედიც აღარ აქვთ. აზრს ვერ ხედავენ, რადგან  აღსრულებას სასამართლოს გადაწყვეტილება სჭირდება, რომლის სამართლიანობის უკვე აღარავის სჯერა.