თბილისი (GBC) - გარემოს დაცვის სამინისტრომ ბნელი ხევის ტერიტორიაზე მიმდინარე სამუშაოებში დარღვევები ვერ დააფიქსირა.

უწყების ცნობით, სამუშაოებს  ლიცენზიანტი “კავკასიის სამთო ჯგუფი” ახორციელებს, არსებული გზის რეაბილიტაციის, გზების გაყვანის და  საბურღი მოედნების მოწყობის მიზნით.

სამუშაოები ტყის ფონდის ტერიტორიაზე მიმდინარეობს, რომელიც გადაცემული აქვს   სპეციალური დანიშნულებით სარგებლობის უფლებით, მათ შორის მოსაჭრელად აღრიცხული 27 კბმ მერქნული რესურსის ჭრის უფლებით.

„მოსაჭრელად აღრიცხული ხე-მცენარეები არ წარმოადგენდნენ “წითელი ნუსხით” დაცულ სახეობებს, ფართობის დაქანება არ აღემატება 30 გრადუსს, ხოლო, მოჭრილი ხე-ტყე გადაცემული აქვს სსიპ ეროვნულ სატყეო სააგენტოს და დასაწყობებულია თეთრიწყაროს რ-ნი სოფ. ჯვარაში. სპეციალური დანიშნულებით სარგებლობისთვის კომპანიის მიერ გადახდილ იქნა საკომპენსაციო საფასური  19 510.36  ლარის ოდენობით”, - აცხადებს სამინისტრო და აღნიშნავს, რომ მონიტორინგი მიმდინარეობს და დარღვევების აღმოჩენის შემთხვევაში გატარდება შესაბამისი ზომები.