თბილისი (GBC) – შემოსავლითი ნაწილის 100.4%-ით  დაა  ხარჯვითის 99.9%-ით შესრულებული 2016 წლის ბიუჯეტის ანგარიში ფინანსთა მინისტრის მოადგილემ  საპარლამენტო კომიტეტს წარუდგინა.

დარგობრივი ეკონომიკური პოლიტიკის კომიტეტის სხდომაზე,  გიორგი კაკაურიძემ ინვესტიციების 5%-იან  წლიურ (Y.Y) ზრდაზე განაცხადა. სულ, 2016 წელს $1.645 მლრდ შემოედინა, მათ შორის $ 578 მლნ,  აზერბაიჯანიდან და  $272 მლნ თურქეთიდან.

დარგობრივ ჭრილში პირველია  1)„ტრანსპორტი და კავშირგაბმულობა“ - $645 მლნ; 2) „ენერგეტიკა“ -$203 მლნ; 3) „მშენებლობა“ - $163 მლნ.

თურქეთი იყო ქვეყნის მთავარი სავაჭრო პარტნიორი. მასთან ერთად რუსეთი და ჩინეთი. საგარეო სავაჭრო ბრუნვაა - $9.350 მლრდ.

გიორგი კაკაურიძემ მაკროეკონომიკური პარამეტრებით საქართველოს რეგიონულ უპირატესობაზე განაცხადა. მშპ-ის (33.921 მლრდ) 2.7%-იანი ზრდით ( რუსეთი (-0.2%); აზერბაიჯანი -3.8%, ყაზახეთი +1%; სომხეთი +0.2%; თურქეთი +2.2%).