თბილისი (GBC) -  12 ივნისს ბრაზილია შეყვარებულების დღეს, პარაგვაი  მშვიდობის დღეს, უკრაინა კი, საფონდო ბირჟის მუშაკის დღეს აღნიშნავს. 12 ივნისი კალენდარზე არაერთი სხვა მოვლენის  გამოც გამორჩეულია, მათ თვალი რადიო „თანამგზავრმა“ გადაავლო.  

1668 : შვედეთში ქალაქ ლუნდში დაარსდა ევროპაში ერთ-ერთი უძველესი უნივერსიტეტი.

1815 : ბანკირ როტშილდის ინტრიგით, ლონდონურმა გაზეთმა „მორნინგ ქრონიკალმა“ რამდენიმე დღით ადრე გამოაქვეყნა ცნობა ვატერლოუს ბრძოლაში ნაპოლეონის გამარჯვების შესახებ. როტშილდმა პანიკით ისარგებლა და იაფად შეიძინა უამრავი აქცია.

 1849 : ლუის ჰასლეტმა აირწინაღი დააპატენტა.

 1867 : შეიქმნა ავსტრია-უნგრეთის იმპერია.

1897 : კარლ ელზენერმა დააპატენტა მსოფლიოში ცნობილი შვეიცარიული სამხედრო დანა.

1920 : ოფიციალურად გაიხსნა პანამის არხი, თუმცა პირველი გემი ამ არხში 1914 წლის აგვისტოში გავიდა.

1935 : მუსოლინიმ აკრძალა იტალიაში გაზეთ “ნიუ-იორკ თაიმსის“ გაყიდვა იმ მიზეზით რომ გაზეთში არაობიექტურად აშუქებდნენ ფაშისტების მოღვაწეობას.

1968 : საფრანგეთის მთავრობამ შემოიღო დემონსტრაციების გამართვის აკრძალვა და გააუქმა 11 სტუდენტური ორგანიზაცია.