თბილისი (GBC) - ოფისებით მომსახურების  უმსხვილესი საერთაშორისო კომპანიის REGUS საქართველოში შემოვიდა. 

კომპანიის ოფისი 22 ივნისს, 17:00 საათზე ბიზნესცენტრში „ტაბიძე 1” გაიხსნება. 

Regus-ი ლიდერია მოქნილი პირობების მქონე სამუშაო სივრცეების უზრუნველყოფის სფეროში მთელ მსოფლიოში. მისი მომხმარებლები არიან ყველაზე წარმატებული სამეწარმეო ორგანიზაციები, ინდივიდუალური პირები და მრავალმილიონიანი ბიუჯეტის მქონე კორპორაციები.

“Regus-ის მსგავსი კომპანია ძალიან ცოტაა მსოფლიოში. დღეს ის 3000 ოფისს ფლობს სხვადასხვა ქვეყანაში და ძალიან სწრაფად იზრდება. მხოლოდ ბოლო ორი წლის განმავლობაში, რაც ჩვენ მათთან მოლაპარაკებებს ვაწარმოებდით, Regus-ის  ქსელი 1000 ახალი ოფისით გაფართოვდა,” - აღნიშნავს ლაშა პაპაშვილი,  უძრავი ქონების განვითარების წამყვანი ქართული კომპანიის “რედიქსის” დამფუძნებელი და გენერალური დირექტორი.

REGUS-ის ქსელი მოიცავს 3000 ბიზნეს ცენტრს 120 ქვეყნის 900-მდე ქალაქში. მობილური, ვირტუალური და ინდივიდუალური ოფისების გამოყენებით, კომპანია საშუალებას აძლევს მომხმარებელს იმუშაოს ხელსაყრელ ფასად ყველგან, სადაც სურთ, შეუზღუდავი დროით და საორგანიზაციო საკითხების საზრუნავის გარეშე.