თბილისი (GBC) - საქართველოს პრემიერ-მინისტრმა გიორგი კვირიკაშვილმა ენერგეტიკის მინისტრის თანამდებობაზე ილია ელოშვილი წარადგინა.

ელოშვილი ამ დრომდე ენერგეტიკის მინისტრის მოადგილე იყო და გასული წელს რამდენიმე თვით (09.09.2016-27.11.2016) მინისტრის სავარძელსაც იკავებდა, მაშინ როდესაც კახა კალაძე  "ქართული ოცნების" სახელით საპარლამენტო არჩევნებში იბრძოდა 

კახი კალაძე ამჯერად, "ქართულმა ოცნებამ" დედაქალაქის მერობის კანდიდატად წარადგინა. 

ელოშვილს მდიდარი სამუშაო გამოცდილება აქვს: 2002-2003წწ. შპს "ოსტორ-ნიდერლანდები", კონსულტანტი; 2003-2004წწ. შპს "გორგასალი", კომერციული მენეჯერი; 2004-2005წწ. "გაერთიანებული სადისტრიბუციო ენერგო კომპანია /PA Consulting Group"-i, დასავლეთის ცენტრალური რეგიონის დირექტორი; 2005-2006წწ. "გაერთიანებული სადისტრიბუციო ენერგო კომპანია /PA Consulting Group"-ი, დასავლეთ რეგიონის დირექტორი; 2006-2007წწ. ფონდი "ათასწლეულის გამოწვევა საქართველო", ენერგეტიკის ინფრასტრუქტურის რეაბილიტაციის პროექტის დირექტორი; 2007 წელს ფონდი "ათასწლეულის გამოწვევა საქართველო", მთავარი აღმასრულებელი ოფიცერის მოადგილის მოვალეობის შემსრულებელი; 2007-2008წწ. შპს "ვისოლ პეტროლიუმი", გენერალური დირექტორის მოადგილე; 2008 წელს "ვისოლის გაზის სადისტრიბუციო კომპანია", გენერალური დირექტორი; 2008-2010წწ. ფონდი "ათასწლეულის გამოწვევა საქართველო", აღმასრულებელი დირექტორის მოადგილე; 2010-2011წწ. შპს "ნიუ ენერჯი", ტექნიკური დირექტორი; 2011-2012წწ. ამერიკის განვითარების საერთაშორისო სააგენტოს (USAID) პროექტი Tetra Tech Inc-ი, ხელმძღვანელის მოადგილე; 2012 წლიდან საქართველოს ენერგეტიკის მინისტრის მოადგილე.