თბილისი (GBC) - სოფლის მეურნეობის სამინისტრო ატმის ექსპორტის ზრდაზე აცხადებს. 

სამინისტროს მონაცემებით, 24 ივლისისთვის   საქართველოდან 5,853 ტონა ატამია ექსპორტირებული, რაც 44%-ით აღემატება წინა წლის ანალოგიური პერიოდის მაჩვენებელს. აღსანიშნავია, რომ გასულ წელს ჯამში უცხოეთის ბაზრებზე 5800 ტონა ატამი იყო გატანილი. 

ექსპორტირებული ატმის საერთო ღირებულება, დღეის მდგომარეობით, 2.2 მილიონ აშშ დოლარს შეადგენს. 

აღსანიშნავია, რომ ატმის რეალიზაციის ხელშეწყობის მიზნით,  „ერთი ფანჯრის“ პრინციპით ხდება საჭირო დოკუმენტაციის მომზადება და გაცემა.

ატმის ექსპორტი, ძირითადად, რუსეთის ფედერაციაში (76%), აზერბაიჯანის რესპუბლიკაში (14%), ყაზახეთის რესპუბლიკაში (4%), ასევე სომხეთსა და უკრაინაში ხორციელდება. 

ამჟამად, ატმის საბითუმო ფასი 30-დან 70 თეთრამდე მერყეობს