თბილისი (GBC) -  "ცენტრ პოინტის" მფლობელები კომპანიის გაყიდვაზე მოლაპარაკებებს აგრძელებენ, - ამის შესახებ კომპანიის  სამეთვალყურეო საბჭოს თავმჯდომარემ მედიას განუცხადა. 

რომელ კომპანიებთან მიდის მოლაპარაკებები გუკა რჩეულიშვილს ამჯერად აღარ დაუსახელებია, თქვა, რომ მყიდველი დეველოპერის ყველა ვალდებულებას გადაიბარებს და  დაზარალებულებს მყარ გარანტიას მისცემს.

“ჩვენთვის და ამ მომენტში ჩართული ყველა მხარისთვის მთავარია, რომ ვალდებულებები დასრულდეს. თუ რომელი კომპანიაა დაინტერესებული, ამაზე ახლა კომენტარს ვერ გავაკეთებ იმიტომ, რომ ამ საკითხზე თუ უნდათ თვითონ კომპანიებმა ისაუბრონ. ჩემი მხრიდან არასწორი გამოდის საუბარი. შესყიდვით საკმაოდ დიდი ჯგუფებია დაინტერესებული", - განაცხადა რჩეულიშვილმა და აღნიშნა, რომ მყიდველებისგან საბოლოო პასუხს ელის. 

"ცენტრ პოინტის“ საქმის პროკურორი კი აღნიშნავს, რომ ამ ეტაპზე ბრალდების მხარე საპროცესო შეთანხმებას არ განიხილავს, რადგან  ჯერჯერობით მშენებლობა არ დაწყებულა და მენაშენეებს პრეტენზია აქვთ.