თბილისი (GBC) - თბილისი-რუსთავის ავტომაგისტრალის მშენებლობა 2019 წელს დასრულდება. 

ამჟამად ავტობანის მეორე, ყველაზე რთული მონაკვეთის მშენებლობაა დარჩენილი. 6,4 კმ-იანი საავტომობილო გზის მშენებლობას თურქული  „სეზა ინშაათ“-ი უზრუნველყოფს. 

სამუშაოების ხანგრძლივობა 2 წელია, საკონტრაქტო ღირებულება 119 მილიონამდე ლარია. დაფინანსებას აზიის განვითარების ბანკი (ADB) გამოყოფს.

პროექტის ფარგლებში მოხდება   6.8 კილომეტრიანი 4-6 ზოლიანი ავტომაგისტრალის რეაბილიტაცია,  2 სატრანსპორტო კვანძის, 2 სახიდე გადასასვლელის, საგზაო გვირაბების და მზიდი კედლის მოწყობას.

თბილისი-რუსთავის საავტომობილო გზის სამივე მონაკვეთის მთლიანი სიგრძე 17, 4 კმ-ია.  პირველი და მესამე მონაკვეთების მშენებლობა 2014 წლის 22 აპრილს დაიწყო და 2016 წლის მაისში დასრულდა.

როგორი იქნება თბილისი-რუსთავის ავტომაგისტრალი, იხილეთ ვიდეო: