თბილისი (GBC) - ამერიკის შეერთებულ შტატებთან თავისუფალი ვაჭრობის შესახებ შეთანხმებაზე მოლაპარაკებები დაიწყება" - განაცხადა პარლამენტის თავმჯდომარის პირველმა მოადგილემ, თამარ ჩუგოშვილმა აშშ-ში საპარლამენტო დელეგაციის ვიზიტის შეჯამებისას და აღნიშნა, რომ ამ კუთხით საქართველოს  კონგრესის მხარდაჭერის იმედი  აქვს. 

თამარ ჩუგოშვილი ამბობს, რომ აშშ-ში ვიზიტისას საპარლამენტო დელეგაციას შეხვედრებზე ორი კონკრეტული საკითხი ჰქონდა წარმოდგენილი -  
პირველი - ეს არის ოკუპირებული ტერიტორიების და საქართველოს ტერიტორიული მთლიანობის თემა და მეორე - თავისუფალი ვაჭრობის შესახებ შეთანხმება ამერიკის შეერთებულ შტატებთან“.

შეგახსენებთ, საქართველოს საპარლამენტო დელეგაცია, პარლამენტის თავმჯდომარის პირველი მოადგილის, თამარ ჩუგოშვილის ხელმძღვანელობით, ამერიკის შეერთებულ შტატებში ვიზიტით 10-16 სექტემბერს იმყოფებოდა.