თბილისი (GBC) - ფინანსთა სამინისტროს საგამოძიებო სამსახურის თანამშრომლებმა, თბილისის სხვადასხვა უბანში, გამოავლინეს 4 ობიექტი, სადაც სადაც განთავსებული იყო ელექტრონული მოწყობილობა - ე.წ. „სიმ ბოქსი“, შესაბამისი ტექნიკური აღჭურვილობით, რომლითაც უკანონოდ ხდებოდა საერთაშორისო ზარების ადგილობრივ ზარად გარდაქმნა.

უწყების ცნობით, გამოძიებით დადგინდა, რომ დანაშაულებრივი ჯგუფი, რომლის წევრებიც უცხოეთის მოქალაქეები არიან, უცხოური ზარის ადგილობრივ ზარად გარდაქმნის შედეგად, კანონსაწინააღმდეგოდ, ხელოვნურად ცვლიდნენ შემომავალი ზარების ტარიფებს, რაც მნიშვნელოვნად აზარალებდა როგორც სახელმწიფო ბიუჯეტს, ასევე, სატელეფონო კომუნიკაციების სფეროში მომუშავე კომპანიებს.

საქმეზე მიმდინარეობს გამოძიება საქართველოს სისხლის სამართლის კოდექსის 185-ე და 192-ე მუხლებით