თბილისი (GBC) - ენერგოსექტორში შემცირებული ინვესტიციების  ფონზე, ენერგეტიკის მინისტრი ინვესტორებთან შეხვედრებს მართავს. 

ილია ელოშვილი კომპანიების- Mont Blanc Capital Management Asia limited, China Hyway Group Limited და NYJJ Invetment Limited -ის წარმომადგენლებს შეხვდა.

სამინისტროს ცნობით, შეხვედრაზე მინისტრმა სტუმრებს საქართველოს ენერგეტიკული სექტორის საინვესტიციო პოტენციალი და მიმდინარე პროექტები გააცნო.

კიდევ ერთი შეხვედრა მინისტრმა Tata Power- ის აღმასრულებელ დირექტორთან ანილ სარდანასთან გამართა.

შეხვედრას კომპანია ,,Tata Power”-ის და კომპანია ,,Clean Energy”-ს წარმომადგენლები ესწრებოდნენ. მხარეებმა მიმდინარე საინვესტიციო პროექტები და სამომავლო თანამშრომლობის პერსპექტივები განიხილეს.

შეგახსენებთ, Tata Power-ი, ნორვეგიული კომპანია Clean Energy–ის და  საერთაშორისო საფინანსო კორპორაცია IFC-ისთან ერთად,  საქართველოში ერთ-ერთი უმსხვილესი საინვესტიციო ინფრასტრუქტურული პროექტ „შუახევიჰესის“ პროექტის მონაწილეა. 

ინვესტიციის მოცულობა შეადგენს 416 მილიონ ამერიკულ დოლარს. პროექტის ფარგლებში დასაქმებული იყო 730 საქართველოს მოქალაქე.