თბილისი (GBC) - სოფლის მეურნეობის სამინისტრო ატმის ექსპორტს აჯამებს.

უწყების ცნობით, 2017 წლის სეზონზე ექსპორტირებული ატმის საერთო ღირებულებამ 4.2 მილიონი აშშ დოლარი შეადგინა. საზღვრებს გარეთ 10.8 ათასი ტონა ატამი გავიდა,  88 %-ით მეტი წლიურ ჭრილში. 

ატმის ექსპორტი, ძირითადად, რუსეთის ფედერაციაში (81 %), აზერბაიჯანის რესპუბლიკაში (8 %), სომხეთის რესპუბლიკაში (6 %), ასევე უკრაინასა და ყაზახეთში განხორციელდა.

მიმდინარე წელს ატმის საბითუმო ფასი 20-დან 90 თეთრამდე მერყეობდა.

აღსანიშნავია, რომ გაზრდილი ექსპორტის მიუხედავად,  წელს უხვი მოსავლის გამო, ფერმერებს ატმის  და ვაშლატამას რეალიზაციის პრობლემა შეექმნათ. ფასებით უკმაყოფილო ფერმერთა ნაწილმა მოკრეფილი მოსავალის ნაწილი გადაყარა.