თბილისი (GBC) - აგვისტოში ელექტროენერგიის საბალანსო ფასი საქართველოში გაიზარდა, თურქეთში შემცირდა.

G&T-ის ცნობით, 2017 წლის აგვისტოში ელექტროენერგიის საბალანსო ფასი საქართველოში წლიურად 9.0%-ით გაიზარდა და კვტ.სთ.-ზე 4.7 აშშ ცენტი შეადგინა. საბაზრო ფასი თურქეთში წლიურად 11.1%-ით შემცირდა და კვტ.სთ.-ზე 5.1 აშშ ცენტს გაუტოლდა.

ანგარიშში აღნიშნულია, რომ საბალანსო ბაზარზე ჯამური მიწოდებული ელექტროენერგიის  16.3% ივაჭრებოდა, დანარჩენი ვაჭრობა კი ორმხრივი ხელშეკრულებების საფუძველზე მოხდა.

"ექსპორტის საშუალო ფასი აგვისტოში წლიურად 5.5%-ით შემცირდა, ხოლო ივლისის თვის საშუალო ექსპორტის ფასთან შედარებით (კვტ.სთ.-ზე 3.3 აშშ ცენტი)  36.2%-ით გაიზარდა. თვიური ზრდა განაპირობა იმ ფაქტმა, რომ აგვისტოში რუსეთში დაბალფასიანი ექსპორტის წილი თითქმის ნულამდე დავიდა, ივლისის თვეში 34.4%-იდან", - აღნიშნავენ G&T-ის ექსპერტები.