თბილისი (GBC) - ევროპულმა სკოლამ  კოსმოსური ინჟინერიის ცოცხალ ლეგენდებს, კოსმოსის ექსპერტებს უმასპინძლა. ადამიანებს, რომლებიც ქმნიან, ცდიან კოსმოსურ ხომალდებს და შემდეგ კოსმოსში უშვებენ.

ლეგენდარული მისიის, “ვოიაჟერის“, ხელმძღვანელმა ჯონ კასანმა და მარსის პროგრამის ხელმძღვანელმა რობ მენინგმა “ევროპული სკოლის” მოსწავლეები კოსმოსში ამოგზაურეს და დაარწმუნეს, რომ კოსმოსი, NASA მიუწვდომელი ოცნება არ არის.

"მეცნიერების, საინჟინრო-ტექნოლოგიებისადმი ინტერესი, ინოვაციებისადმი სწრაფვა და კოსმოსის დაპყრობაც კი გზაა უკეთესი მომავლისკენ. ამ მომავლის შექმნელები დღეს “ევროპული სკოლის“ მოსწავლეთა შორის იყვნენ", - აცხადებს სკოლის მენეჯმენტი.