თბილისი (GBC) - ეკონომიკის სამინისტრო დიდი ალბათობით ორთაჭალაში განთავსდება - ამის შესახებ მთავრობის სხდომის დასრულების შემდეგ, ეკონომიკის მინისტრმა განაცხადა. 

გიორგი გახარია ამბობს, რომ გადაწყვეტილება სამთავრობო უწყებების საქმიანობის ეფექტიანობა გაზრდის. 

„ორთაჭალაში არის სახელმწიფო უწყებების გარკვეული რაოდენობა თავმოყრილი. სამთავრობო ქალაქის აშენებაზე კი არ იყო საუბარი, საუბარი იყო იმაზე, რომ ეფექტურობის პრინციპიდან გამომდინარე, თუ ეკონომიკის სამინისტროს ახალი შენობა სჭირდება, იქნებ მოვახერხოთ, რომ ამ უწყებებთან უფრო ახლოს იყოს. როდესაც მე და ჩემს უწყებას გვაქვს არჩევანის გაკეთების საშუალება, ჩვენ ეს არჩევანი გავაკეთეთ და გაცნობებთ, რომ ეკონომიკის სამინისტრო, დიდი ალბათობით, იქნება ორთაჭალაში,“ - ციტირებს "რუსთავი 2" გიორგი გახარიას.

 როგორც ცნობილია, ცოტა ხნის წინ გახარიამ დაადასტურა ინფორმაცია, რომ ეკონომიკის სამინისტრო ოფისის შეცვლას გეგმავს. 

სამინისტრო უკვე მეორე წელია ბელინსკიზე ნაქირავებ ოფისშია, რაც 2016-2017 წლებში 1.5 მლნ დოლარი დაუჯდება.